kaliko, tasabab dek balam lapeh, naiklah Tuan dahulu, ka pangguang padi ladangko." Tadanga dirun diang itu, lah naiak Tan Rajo Ameh, kecek-mangecek lah di sanan, rundiang-barundiang lah baduo. Handai lah banyak nan tasabuik, agak lah luko-malukoi, bukak-mambukak cinto hati, saujuik paham di sanan, sapakaik kami baduo. Agak dek laku langkah kami, buruak tabendang ka langik, tasinga masuak nagari, urang lah bangih kasamonyo.
Agaklah bapak kanduang hambo, banamo Intan Diawan, dicari aka jo hudi, dirapekkan urang nan banyak, dibunuah Tan Rajo Ameh, etan di kubu di Pandan. Kapalo dibao pulang, badan dibuang dicampakkan, agak di batang Sinimpan. Hambo nan sadang batanun, rundiang dibao-bao angin, kaba barito dari jauah, lah mati Tan Rajo Ameh. Lambek sabanta antaronyo, tibolah bapak kanduang hambo, baliau nan datang dari jauah, mangapik uncang kaluang.
"Dek hata takadia Allah, dek untuang lai ka basuo, dapek ka- palo Tan Rajo Ameh, dibao bapak kanduang hambo, di dalam uncang kaluang. Lalu ditariak sakali, dibao bajalan hilia, mancari bangkai nan hilang. Rakik dikarang hanyo lai, lah sudah rakik sabuah, dicubo halaia tunggang, ka hilia batang Sinama. Tibo di batu atok tungku, dikapecong nan mangeong, diliek dipandang nyato, lah tampak bangkai Tan Rajo, tasapik di ruang batu, lalu dijapuik sakali, dibao ka kapalo pasia, kapalo lah hambo bao imo, lalu diukua dikanakkan. Dalam mamandang-mandang juo, dek untuang lai ka baiak, dek ratak tangan lai ka elok, tibolah urang maso itu, hanamo Tuanku Alim Basa. Hambo mintak kapado baliau, disambahkan doa mukabua, adok kapado Tuhan Allah. Pintak buliah kandak balaku, lah sampai hiduik Tan Rajo.
"Han lah badarok patang, bakato Tuanku Alim Basa, mambao kami nan badu, etan ka surau nan gadang.
"Nan samalam-malam nantur, di sanan lalok jo tidua, sampai barisuak pagi hari.
"Kani amintak nak bajalan, ka muaro aia luluih. Ijin dapek tari Tuanku, kam bajalan sakali, kaulak batang Sinama. Sarato
90
