"Malah baitu janyo Bapak, lah suko pulo hati kami. Tapi sungguahpun baitu, antaro hambo jo Bacindai, nan salaruik salamo nangko, balun lai batamu-tamu, basuo sakali nangko, baso balun dapek mandapek. Kok takana inyo nak pulang, nancik bapak lapehkan sajo, tahani siko dahulu."
Lambek sabanta antaronyo, bakato Datuak Saiah Baradaik,
"O Buyuang si Rajo Ameh, sarato Bacindai Aluih, pihak di badan diri kalian, lah sanang hati nan susah, lah tatap paham jo bicaro, sanang-sananglah di siko, usah dicinto nak kampuang, nambek dikana nak pulang, agak sabulan duo bulan.”
Manjawab Bacindai Aluih,
"Malah baitu janyo Datuak, kami nan utang mambanakan."
Salamo inyo di sanan, agaklah si Rajo Ameh, kajo nan tidak manjinjiang, tagak ka sawah baladang, duduak baduko batahun, nan tidak mambuang tempo. Sabarek-barek manjujuang, sajauh-jauah hajalan, labo jo rugi kana juo.
XI. PULANG
Dek lamo bakalamoan, lah cukuik satahun kacang, agak lah tigo bulan ganok, inyo takana nak pulang, Bacindai tacinto nak ka kampuang.
Adolah pado satu malam, sudah minun sudah makan, bakato sanan Rajo Ameh, pado Datuak Saiah Baradaik,
"Manolah Datuak guru hambo, kok lai ijin dek Datuak, kami handak nak pulang, rusuah tacinto di nagari, etan ka Taram nan Tujuah, pabilo mungkin kasampainyo. Tapi sungguahpun baitu, pibak di badan diri hambo, ado sabuah nan takana, salamo hambo di siko, kaji pun haluh bauling, basabuik sakali tidak. Kok sampai kami ka kampuang, urang lahi bangih kasamonyo, kok tibo daawa pado kami, hukum nan tidak buliah tidak, baa ka sipaik badan kami, barilah alam bakeh tagak.”
Bakato Datuak Samb Baradaik,
96
