kan, jokok nan mudo dipunjuangi, urang nan ketek dikasiahi. Muluik manih rundiangan baiak, lamak bak santan jo tangguli, bak gulo di ujuang lidah. Anak nan usah takuik malu, kau nan jangan barek bibia, baso tidak kamambali, utang malakukan sajo.
”Mano nak kanduang janyo hambo, kok takana nak ka pakan, atau ka pasa balai rami, luruih pulang luruih pai; kok tacinto nak mambali, kau kok katulak raiah, pakaikan harago nilai, tiliak nan usah dipabanyak, pandang nan jangan dipaha; mato kok paliangan setan, binaso mudo dek itu.
Nak kanduang dangakan bana, janganlah kau sio-sio, agaklah bapak anak awak: taruahkan ku mari sabuah, latakkan samba agak sacawan, sarato paminun kopi, urang kok datang-datang malam, dayo kok tibo siang hari, inyo kok mambao kawan, jan anak takaja-kaja. Ukatu tidak jo awak, legaran tibo di urang, kok inyo datang sabanta, samekan minun makannya, usah balabiah bakurang; kok lah tasuo nan baitu, tidaklah kau dapek malu, indaklah anak gauik gapai. Sagalo rundiang pangajaran, pihak diibu jo bapak kau, tidaklah ado banan tingga, lah cukuik hasia balako, simpanlah daiam kiro-kiro, latak dalam hati kau.”
Manjawab Bacindai Aluih,
"Manolah bapak janyo hambo, sarato jo mandeh kanduang. Kato pangaja dari bapak, rundiang pitunjuak dari mandeh, disimpan dibuhua mati; pihak di badan diri hambo, kok lai bak raso iko juo tidak karagu dek banyak, tidak kalupo dek lamo, bak raso tidak lai kamungkia. Tapi sungguah baitu bana, hiduik di dalam tangan Allah, kok takilaf ciek-ciek, atau tadorong kadang-kadang, katokan lakeh dek bapak, suruikkan juo dek mandeh.”
Kiro sapakan duo pakan, mupakaik ibu jo bapak, sarato niniak jo mamaknyo. Dipandang anak lah gadang, lah patuik utang dibaia, lalu dituruik alua nan juruih, ditampuah jalan nan pasa, adok kabako bakonyo, banamo Pakiah Muhamaik, urang Piliang Padusunan, itu funangan si Bacindai, Manuruik papatah adaik, nan bapakai maso itu, basirek bakato bana, basaua batando jadi batinbang pamenan adaik, saukua bana talatak, sasuaiTemplat:Left
