Tadanga dikato itu, lah naiak si Kayo Oto; lah sampai inyo di ateh rumah, rokok tibo sirlah taunjuak, carano talayang di muko; dimakan siriah sakapua, pareso maruang tubuah, kaleknyo tingga di rakuangan, sari lah naiak, ka paraman, timbualah rundiang dek si Kayo,
"O Tuan janyo hambo, sabab hambo datang ka mari, dek tibo ka muko Tuan, lai ado nan takana, nan taragak dalam hati. Hambo nak manyalang balam, balam tambago tigo gayo, sarato jarek nan sarawan, Tuan hambe nak bapikek.”
Manjawab Pakiah Muhamaik,
"Sapanjang kato kau itu, io lai hambo manaruah, jarek ado balampun ado. Kok io inyo kabapikek, suruah datanglah ka mari, hambo mananti di siko.”
Manjawab si Kayo Oto,
"Malah baitu janyo Tuan, lah sanang bana hati hambo, lah da- pek kato nan sah, lah buliah rundiang nan sungguah. Tuan, baba- liak hambo dahulu, pulang ka rumah tanggo hambo.”
Manjawab Pakiah Muhamaik,
"Kok io kau ka pulang, walau kok samo awak bana, baso basi dipakai juo, minun makan kite dahulu.”
Manjawab si Kayo Ota,
"Datang nan sakali ko, usahlah hambo minum makan, litak balun auihpun balun. Bajalan hambo dahulu, lapehlah jo hati suci”
Manjawab Pakiah Muhamaik,
"Malah baitu janyo kau, kabaatoh pulo lai.”
Lah tagak si Kayo Oto, lalu turun inyo sakali. Lah sarantang pajalanan, agaklah sampai ka rumahnyo, tibo di Taram nan Tu- juah, lalu naiak inyo sakali. Aluaran si Rajo Ameh, tanyo tibo sudi lah datang,
"Manolah Adiuk kanduang hambo, si Kayo Oto nan Bonsu,
samantaro kau balun tibo, pihak di badan diri hambo, hati lah
22
