urang, sampai tabatiak tabarito, tadanga kin jo kanan, Buyuang kian kito pai.”
Manjawab si Rajo Ameh,
"Kalau baitu janyo. Tuan, hambo rang ku mari amuah, carilah hari katikonyo, pabilo kito kapai.”
Manjawab Pakiah Muhamaik,
"Kok anyo hari nan baiak, kutiko elok bajalan, dituik-tuikkan hari, dibilang-bilangkan bulan, ditiliak kutiko limo, dipandang galah salapan, elok barisuak pagi hari.”
Mandanga kato nan bak kian, manjawab si Rajo Ameh,
”Kalau baitu janyo Tuan, hambo rang utang manuruik.”
Namun samalam-malam itu, kununlah:Pakiah Muhamiaik, sapiciang mato tak lalok, gilo bapantun baibaraik, sambia marinai-rinai ketek:
Di hilia sumayan banyak,
mati maraok tiuang aia,
hinggok di dahan mingkudu.
Sayang salilia bak minyak,
kasiah salewai bak aia,
itu mambao hati rindu.
Pancuang talang nak rang Lubuak,
kini tahantak-hantak juo,
Kasiah Sayang nan saisuak,
kini taragak-ragak juo,
Balari-lari ka balai,
lah pacah piriang batulih,
dihimpuk cawan bajanang.
Dandam lah lamo tabangkatai,
eloklah kini disusuali,
nak samo bahati sanang.
Mato tapajam mimpi tibo, kironyo hari nan lah siang: dipan-
24
