”Manolah Adiak kanduang hambo, banamo Bacindai Aluih! Mandanga kato Adiak tadi, rundiang nan sabanta iko, nan bak upamo urang batanun, turak lalu banang manyimpang, rintiak jo ragi lah salisiah, pakan jo tagak lah balain, tando bangkalai tak kasudah. Pihak dirundiang kito kini, saukua kato tak sasuai, sapakaik rundiang tak dapek, bak balam jo katitiaran, sa- angguak sagayo tidak, manuruik bakandak hati, pai anggan tingga tak amuah, tandonyo tidak sabananyo.”
Manjawab Bacindai Aluih,
"O Tuan Tan Rajo Ameh, bukantoh hambo salah ilak, adaik tundiang baa nan tidak, maninjau bana paham Tuan, sayang kok pauji-aji, kasiah kok pancubo-cubo, kini lah tunggang sabuleknyo. Asa di badan diri hambo, sabalun niaik kito sampai, kok buliah hiduik duo kali, kok tak di dunia di akiraik, baitu bana paham hambo.”
Manjawab si Rajo Ameh,
”Malah baitu janyo kau, lah sanang pulo hati hambo; pacah nan tidak nyo mambalah, ganggang nan lai marapekkan. Diutak panggang babaliak, disabuik rundiang nan dahulu, niaik mukasuik hati hambo, buek dikalikan dalam, sayang dikapuang jo ikara, kasiah diikek dangan janji. Maneruik papatah kato bida, kalau lah mati diak mangabek, satahun di dalam lunau, samusin di dalam ianah, ibaraik janang tulib pinggan, ragi nan tidak amuah hilang, antah kok Allah manggarakkan.”
Manjawab Bacindai Aluih,
”O Tuan Tan Rajo Ameh, malah baitu janyo Tuan, aluaran diri badan hambo, bapikia sambia barundiang, ibaraik buninyo kato, dangakan malah dek Tuan,
Baringin di tangah koto,
sakah rantiangnyo batah duo,
sarumpun jo limau.puruik.
Malah dek hati jo mate,
kok sansai kito bactuo,
suko rila hambo manu ruik.”
31
