nak bajalan pulang, hari basarang patang juo, manonyo balan hambo tu balam tambago tigo gayo."
Manjawab Bacindai Aluih,
"Kok anyo balam tambago, lah sanang di dalam sangka, litak makan hauih lah minun, rintang babuni-buni sajo, etan ditutuaran atok, Tuan jangkaulah kakiun." Tadanga dikato itu, lah tagak si Rajo Ameh, maambiak balam di sangka. Bakato Bacindai Aluih,
"O Tuan Tan Rajo Ameh, kok io Tuan ka pulang, dangakan malah pantun hambo,
"Talayok pandang ka muko,
sulasiah di banda dalam,
diambiak buah mudonyo.
Tidak diaso ka manangko,
kasiah alah badalam-dalam,
dek balam asa mulonyo."
Manjawab si Rajo Ameh,
"Lalu ka kampuang Balal Guci,
disakah rantiang bindalu,
rabah ditabang urang Hindu.
Lapehlah hambo jo hati suci,
bacarai kito dahulu,
samo ditangguang hati rindu.”
Manjawab Bacindai Aluih,
"Pucuak pauah silaro pauah,
sambilu laduang-ładuangkan.
Tuan jauah hambo pun jauah,
kok rindu samo tangguangkan."
Bakato si Rajo Ameh,
35
