"Kok io Gurun Sarilamak, lalu juolah ka pakan."
Tibo pulo satoboh lai, bakato si Rajo Ameh,
"O Kakak urang nan lalu, toboh dari mano iko?"
Manjawab urang lalu,
"Kok itu rang mudo tanyokan, toboh ranah Tanjuang Pati."
Manjawab si Rajo Ameh,
"Kok io ranah Tanjuang Pati, Intan Diawan nan Bagonjong lai ka pakan inyo kini, hambo bajanjikan balam."
Manjawab urang nan lalu,
"Kok itu mudo tanyokan, tidak inyo nan ka pakan, anak nyo sajo nan ka pai, banamo Bacindai Aluih, sadang bakameh hambo tinggakan, rang mudo nantilah di siko."
Agak sabanta antaronyo, lah tampak Bacindai Aluih, bakato si Rajo Ameh, bakeh Marajo Ulak Sumano, sambia bapantun baibaraik,
Lah sabanta antaronyo, lah tibo Bacindai Aluih, di labuah basimpang ampek, batamu inyo di situ, jo diri si Rajo Ameh, lalu bakato inyo sakali,
"Adiak kanduang Bacindai Aluih, dangakan malah dek kau,
40
