Manjawab Rajo Ibadaik,
"Kok io Tuan ka pai, eloklah kubu ditinggakan, bajalan kito batigo, kok tahampai nak samo kariang, tarandam nak samo basah. Manuruik pitua rang dahulu: kalau bajalan sorang sajo, alamaik badan kahilang; kalau baduo kito pai, malangkah turun di siko, tando bajalan kasasek; kalau batigo kito sairiang. kabarang tapek ka pai, langkah elok tak nan salah, hiduik mati hak janyo Tuhan, baitu pikiaran hati hambo.”
Manjawab si Rajo Ameh,
"O Tuan Rajo Ibadaik, jo Rajo Ulak Sumano, sapanjang kato Tuan itu, hambo nan bukan maindakkan, io bana rundiang Tuan. Tapi samantang pun baitu, jokok bajalan jauah, agak sahari dua hari, atau samalam duo malam, lambeknyo sapakan duo pakan, atau kok sampai babulan, io dituruik kato Tuan. Manuruik pikiaran hati hambo, agak sabanta duo banta, lambek sajam duo jam, kumbali hambo babaliak, agak ka kubu kito iko.”
Manjawab Rajo Ibadaik, “Kalau baitu janyo Tuan, kami nan utang mambanakan. Tapi sungguahpun baitu, pegang pitawek kato hambo, kok tasuo musuah di jalan, batamu lawan nan kapatang, usah ditapiak mato padang, nambek disonsong urang itu, babaliak Tuan dahulu, japuiklah kami nan baduo, nak baitu an dam di sanan."
Tadanga dikato itu, manjawab Rajo Ameh. "O Tuan Rajo Ibadaik, sapanjang kato Tuan itu, tidak sabilah paham kito, sasuai lahia jo batin, hambo bajalan kini hari.”
Bakato Rajo Ibadaik,
"Kok io Tuan kabajalan, lieklah kutiko limo, padanglah ga lah salapan, kaokan langkah nan
Mandanga kato nan bak kian, sugiro si Rajo Ameh, bajalan inyo sakali, pai nan tidak basinjato, yakin kapado Allah sajo, lah sarantang inyo bajalan, sampailah duo rantang panjang, tumbuah pikiaran Rajo Ameh, tidak takana rundiang tadi, mupakaik kaji ibadaik, sarato Marajo Ulak Sumano, baraliah laku langkahnyo hati
57
