hari lah badarok sanjo, dipandang tadah ka mudiak, buiah lah ba- tukuah-tukuak, bararak tibo datangnyo. Aja batambah dalam juo, tandonyo hujan dan hulu; diliek sabalah hilia, tampaklah- tunggua kayu hanyuik, tasakek di pihak nan tanang, didayuang dituju kiun. Sarato tibo di sanan, rakik di situ dipauikkan; lah turun Bacindai Aluih, diambiak kain jo baju, sarato pakaian tu- buah, dingan kapalo Rajo Ameh, dibao pulo sakali, Bajalan Bacindai Aluih, tibo di kapalo pasia, agak dibubun-bubun aia, di ganan tampaik bamalam. Lamo sabanta antaranyo, buni lah babagai-bagai, rangik bak labah kahinggok, baputa-puta datangnyo. Kalua pauni tabiang, ula lah jala manjala, hantu aia layang mala- yang. tampaklah suluah-suluah hantu, tarang lai cayo pun tidak, tabagas ielo jo ruponyo. Hari lah galok gulito, kilek bak gajah maumbuik, guruah lah batalun-talun, bak buni gaga di lautan, manggigia alam saisinyo. Kalam nan bukan alang-alang, bak malam duo puluah tujuah, Agaklah Bacindai Aluih, litak jo lapa tak ta- raso, hauih nan tidak takana, kanyang dek kiro-kiro sajo, hawa jo mapas nan ditompang, setan ibilih dirajokan. Dek malang ra- tak nan tak elok, dek untuang cilako badan, sajak di rahin bundo kanduang, sampai ka dunia buruak juo, nan tidak dapek disasali, barih takadia lah dahulu, kini badan manangguangkan. Dalam barusuah-rusuah juo, bapantun inyo sakali,
66
