Bakuliliang inyo bajalan
Nak dapek mambawo kudo
Gadanglah hati Reno Manih
Dipaguiknyo kakak kasayangan
Tapanca aia matonyo
Manangih mangana untuang
Untuang nan lain dari urang
Nasib bak urang manyubarang
Manyubarang lauik laweh
Badai jo topan nan ditampuah
Dek galombang satinggi rumah
Kok indak dek pandai itu garan
Iyo kakaknyo Sari Alam
Antah baapo kan jadinyo
Di dalam kubua inyo kini
Baduo jo Bujang Piaman
Ampunlah Kakak sayang ambo
Apo kaba ayah jo andeh
Adokoh liau sanang sajo
Taragak Upiak ndak tatahnan
Tapi apo nan kan dibuek
Baiko pilihan upiak
Upiak iyo sanang di siko
Saketek indak manyasa
Mangapo mangko lamo bana
Kakak ambo sampai kamari
Sabulan raso sataun
Kito nan indak panah bacarai
Lah putiah mato dek mamandang
Raso Kakak kan tibo juo
Lah lamo sudah manyaratuih
Mano Diak sayang Payuang Lauik
Bukan kakan balalai-lalai
197
