Halaman:Bujang Piaman Jo Puti Payuang Lauik.pdf/216

Basamo kawan nan baru datang
Sari Alam Buyuang Labiah
Sarato Malin Maulano

Dibali barang dagangan
Nan batigo mambali pulo
Sari Alam nan agak banyak
Inyo lai mandapek pitih
Iyo pitih untuak pokok dagang
Dari ayahnyo Maharajo Dirajo

Agak tacangang Reno Manih
Tagalak sengeng nyo saketek
Bakato inyo maso itu
Alah barubah ayah kito
Lah amuah maagiah kakak pitih
Nan salamo salaruik nangko
Kok ado ayah bapitih
Indak panah untuak kito
Untuak kak Lembak jo kak Sari
Dek inyo iyo tungkek rajo

Kok kito paralu pitih
Mamintak iyo bakeh andeh
Barapo pulo lah kan dapek
Baju ciek ditangguah dulu
Kok dapek sakali lai

Kakak indak panah ibo hati
Talabiah duo tigo taun ko
Sajak sato baniago
Jo kakak Upiak Marah Lauik
Acok pulo kakak kini
Iyo maagiah andeh pitih
Kok barang nan taragak
Dibalinyo untuak dirinyo

Tapi kini ko mah Diak Kanduang