Mungkin Upiak alun tau
Tantang urang Sutan Lembak Tuah
Sajak Upiak disabuik mati
Inyo nan bagai urang muno
Manuang hilia manuang mudiak
Galak jo tangih indak ado
Itu marusuah hati ayah kito
Lah sudah mambali barang dagangan
Alun takana tu nak pulang
Bamain-main mah daulu
Di saluruah koto Padang
Lah sampai pulo ka subarang
Lah pueh main di Padang
Sahari pulo di Padang Panjang
Sahari kudian nyo di Solok
Baru babaliak nyo ka Padang
Manjapuik barang dagangan
Sarato urang tukang rumah
Ado baranam tumah garan
Kan disuruah mambuek rumah
Gaduang untuak Reno Manih
Pakayu alah mah tasadio
Tantang Sutan Sari Alam
Alun inyo bagageh pulang
Nak sato pulo bakarajo samo
Mambuek gaduang untuak si Reno
Basamo samo saudaronyo
Kaumnyo urang Marah Lauik
Di pihak ayah jo andehnyo
Sarato urang bakuliliang
Malin Maulano Buyuang Labiah
Iyo urang tukang juo
Inyo nan kuat bakarajo
Mambantu tukang dari Padang
Mak lakeh gaduang tu sudah
206
