Di balakang saruang lai
Dibagi ampek tu mah garan
Di tapi sabalah kida
Di sinan dapua dilatakkan
Di dakek dapua iyo tampek
Tampek barang penyimpanan
Sudah itu ruang tabukak
Tampek urang lalu linteh
Kajamban ka biliak mandi
Kudian biliak tampek rang pambantu
Pambantu padusi sajo
Biliak mandi dibuek elok-elok
Randah saketek dari rumah
Turun duo anak janjang
Jambannyo nan elok bana
Jamban dibuek dakek biliak mandi
Ditampuang kotoran dalam lubang
Lubang baaleh batu gadang
Badindiang papan taba bana
Dari lubang ko ado pambuluah
Pambuluah gadang dari ruyuang sampia
Ditanam di dalam tanah
Dibuek lubang sabuah lai
Iyo mah jauah dari rumah
Dialiakan kotoran tadi
Kadalam lubang nan jauah itu
Untuak aia mandi aia minum
Dibuek pambuluah batuang gadang
Diambiak aia nan janiah
Nan turun dari bukik ketek
Disangajo mambuek rumah ko
Indak jauah dari bukik tu
Kok dikali sumua tanah
Saroman urang di Padang
208
