Kalapo Nyiua Gadiang
OLAK-OLAINYO maso itu, iyo di Ranah Tanjuang Bungo,dalam ustano Pagaruyuang, ustano Daulat Bundo Kanduang, ustano gadang mahligai tinggi, baanjuang perak anjuang suaso, tampeksumayam Bundo Kanduang, Rajo usali turun tamurun, bukan Rajodang bamintak, bukan Rajo dang babali, samo tajadi jo alam nangko.
Rajo badiri sandirinyo, timbalan Rajo Banua Ruhum, timbalan Rajo Banua Cino, timbalan Rajo di lawitan, sapiah balahan jurai,manjunjuang mangkuto kuleh kumar, batatah intan mutiara,bajambua baameh mutu manikam, mamakai kain si gandun-gandun,dikambang saleba alam, dibalun sabalun kuku, satahun Bundo mananun, dimuloi jo lidah ayia, disudahi jo lidah api, tidak basah kanai ayia, tidak hanguih kanai api, kain bapantang lusuah, makin dipakaimakin baru.
Mamakai karih kasatian, karih banamo Medang Giri, bahulu kamuniang jantan, bapaluik ameh suaso, baukia bamego-mego,sarangnyo kayu kamih, kayu batuah kayu kiramat,karih pusako niniak moyang, manaruah tataran saga jantan, tombak parisai jangguik janggi, karih pandai mancari musuah, jajak ditikam mati juo.
Kalau diliek balairuangnyo, tampek rapek Basa-basa,batonggak batang jilatang, baparan kayu lundang, banduanyo batang.
2
