8
lanan dibaokan langkah nan limo suruik kalangkah nan ampek tagak badiri batua2 dipinggia tjamin nan gadang dipandangi bajang2 tagak katangah lah bamanuang tagak katapi lah managun nan dilenong tjintjin dikiri nan dipaliang tjintjin dikanan bakato si Umbuik Mudo mande djo den dimande pandang bana djo diamai liek bana djo diamai lai baa den mamakai lai elokkoh tjandonjo.
Mandjawab amai si Umbuik kok itu nan hang tanjokan tak kamungkin doh tjandonjo tagah dek pakaian sagalo hitam tibo tjajtek diurang kampuang gagak tabang djanjo urang mandanga kato nan bak kian digantinjo pulo pakaian dipakai sagalo putiah bakato si Umbuik Mudo pandang djo diamai tampan bana djo dimande laikoh rantjak den mamakai mandjawab amai si Umbuik kok itu nan hang tanjokan tak kamungkin doh rasonjo,
Antah kok dek pakaian sagalo putiah saketek pulo salahnja bangau tabang djanjo urang mandanga kato nan bak kian diurak pulo pakaian diluluihkan dari badan dipakai sagalo sirah lah sudah injo mamakai batanjo si Umbuik Mudo pandang bana djo diamai liek bana njato2 kok itu pulo hang tanjokan kok rantjak iolah rantjak tagah dek sagalo sirah kasumbo tahampai djanjo urang lah mabuak hati si Umbuik lah rusuah kiro2 indak kadjadi den badjalan.
Hari basarang tinggi djuo batanjo si Umbuik Mudo o. amai djo den diamai baa pakaian nan kaden pakai baa pakaian nan kaelok tjubo katokaniah di amai tjubo adjakanlah dimande bakato amai si Umbuik kok itu nan hang tanjokan pakailah sagalo sahalai kabaa pulo lah lai lah mamakai si Umbuik Mudo badeta palangi Atjeh bukan palangi urang kini palangi maso dahulunjo babadju biludu gandum bukan biludu naiak kini biludu maso njok hari indaknjo dapek dipaneh indaknjo lusuah dipakai ba
