↓Laman ko alah sah
18
Tak talok dirantjuang damak
Tabangnjo manjisiak awan
Mandjawab amai si Umbuik:
Pantjuang kaki tindawan
Baliuang diateh atok
Tabang kok manjisiak awan
Nanti den pusuang djo asok
Bakato amai si Galang:
Baliuang ateh atok
Kerukam hulu sirauik
Kok kakak pusuang djo asok
Unggeh mambanam masuak lauik
Mandjawab amai si Umbuik:
Karukam huiu sirauik
Adok nan limo dalam biliak
Unggeh mambanam masuak tauik
Djalo suto maindik sisiak
Bakato amai si Galang:
Adok nan limo dalam biliak
Adok nak urang pakan satu
Djalo suto maindik sisiak
Unggeh lati karunggo batu
Mandjawab amai si Umbuik:
Adok nak rang pakan satu
Ampaleh didalam padi
