70
indak djuo djanjo tuan sadjak dahulu den katokan bahaso si Galang alah hiduik pandang dek tuan njato2 itu siapo itu kok ukan si Galang Banjak
Mandjawab bapak si Galang binguang bana moh kau bodoh bana wak kau pamandangan kok batuka2 urang banjak nan saroman lah njato anak kito mati dimano kamungkin hiduik pulo
- Kok buliah sipuik batali
- Dibao kadalam lurah
- Kok buliah hiduik duo kali
- Tando kakiamaik bumi Allah
Mandanga kato nan bak kian bakato si Umbuik Mudo
- Lai sipuik nan batali
- Den hirik manampuah samak
- Lai hiduik duo kali
- Jo si puti Galang Banjak
Bakato pulo si Umbuik Mudo bakato bakeh si Galang Banjak upiak si Galang Banjak upiak tagak djo satjatjah pai tamui dek kau bapak pai djalang dek kau amai nak nampak dek urang banjak nak njo sanang hati mandeh lah kalua si Galang Banjak lalu badjalan injo sakali manjalingkik manampuah urang banjak pai basuo djo bapaknjo pai basuo djo mandehnjo sarato tibo injo manjambah manungkuik kaharibaan amainjo manangih si Galang Banjak o mandeh djo den dimandeh :
- Tak den aso kabaduo
- Baduo djuo nan djadi
- Tak den aso kabasuo
- Basuo djuo nan djadi
