72
kan insja Allah baiaklah itu alah kawin si Umbuik Mudo dihari sahari nantun sarato sudah nikah didjawek nasi ditatiang hanjo lai minum makan sakali lai sarato sudah minum djo makan dibatjo doa salamaik alah salasai urang mandoa bakato bapak si Gaiang o bujuang si Umbuik Mudo kok lai buiah pintak kami io karanah Kampuang Aua buliah kito malapeh niaik buliah kito mambajia kaua baralek gadang malah kito manolah niniak dengan mamak sagalo sanak saudaro gadang ketek tuo mudo laki2 parampuan nan hadia dialek nangko gadang tasabuik gala ketek tasabuik namo bari maaf banjak2
Mandjawab urang nan banjak insja Allah baiaklah itu bakato si Umbuik Mudo kok baitu mukasuik bapak kok itu nan taniaik dibapak baliaklah dahulu bapak pulanglah kini2 tjakaulah kabau kakandang tanggkoklah djawi ditangah gadang ambiaklah padi di lumkuang apo nan kurang suruah tjari lorong ka pado niniak mamak hambo malah mambao kudian itu djan bapak rusuahkan bapak babaliakiah dahulu
Lah badjalan bapak si Galang badjalan ba-guluik2 badjalan ba gageh2 alah sarantang padjalanan lah duo rantang padjalanan dakok basarangkan hampinag hampianglah dakok katiko tibo injo tangah halaman lalu naik injo sakali bakato bapak si Galang mano kalian kasamuanjo djalanglah karik kau sakalian sanak saudaro mintak tolong sungguah2 apo nan kurang suruah tjari kito kabaralek gadang
Birauari puti Galang Banjak djo bujuang si Umbuik Mudo alah hiduik injo kumbali dirumah si Rambun injo kini diranah kampuang Tibarau lah kawin injo tadi pagi mandanga kato nan bak kian sukolah puti nan baranam riang nan bukan alang2 lalu badjalan turun sakali dibao untjang barisi mamanggia sanak sudaro mamintak tolong kabaralek
