73
kaba-a pulo lah lai datanglah urang nan banjak karumah si Galang Banjak habih bakaradjo kasamuonjo bakakok-an masing2 lah sahari tjukuik tigo hari hasialah pulo kasamuonjo badjaian bapak si Galang karanah Kampuang Tibarau mandjapuik si Umbuik Mudo djo puti Galang Banjak
Alah sabanta antaronjo lak duo banta injo badjalan tibo injo dirumab si Rambun lalu naiak injo sakali sabanta antaronjo tangeh rumah bakato bapak si Galang mano Bujuang Umbuik Mudo mangko den datang kamari mandapek-i djandji nan dahulu mandjapuik kalian kasamuonjo sarato mamak dengan niniak baiak Imam baik Chatib laki2 parampuan sarato sa Kampuang Tibaraunjo malapeh niaik nan dahulu manjampaikan mukasuik man sa saisuak sa-bulih2 parmintaan hambo kini djuo kito badjalan
Bakato si Umbuik Mudo guguahlah tabuah larangan sahuik manjahuik tabuah nan banjak tabuah djumaaik panjudahi takadjuik urang dinagari urang banjak helo bahelo pagawai basamo samo panghulu bapangkaik pangkaik nan buto datang bairik nan lumpuah datang badukuang alah rapek papek kasamuanjo
Bakato si Umbuik Mudo mangko niniak den himpunkan maulang kato nan dahulu parmintaan dek bapak hambo kito kadjalan kini2 karanah ka Kampuang Aua bakato urang nan banjak insja Allah baiaklah itu kabaa pulo lah lai basegeh si Galang Banjak laju mamakai hanjo lai bakameh si Umbuik Mudo mamakai tjaro rang Bugih lah badeta saluak basisampiang kain palembang dibaokan langkah nan limo suruik kalangkah nan ampek tagak badiri batua2 lalu turun sakali
Kaba-a pulo lah lai badjalan urang nan banjak badjalan ba bondong2 badjalan badujun2 Allahu
