kini — lapiak gadang sapanuah ruang — barukia alang tabang — kaja mangaja ula nago — kaluak-bakaluak daun paku — di ateh tika parmadani — talatak makanan lazat lazat — labiah saratuih ampek puluah — masakan gadih pandai pandai — kopi susu di cerek ameh — cawan cangkia ameh pulo — maklum rajo kayo rayo — bukan sarupo rajo — indak saroman rajo — rajo kayo diameh perak — harato banyak di gudang — anak kunci biliak jo gudang — indak tabao sikua unto — lorong kapado Harun Alrasyi — sadang Abu Hasan mandi diadokan sidang di balairung — rapek papek basa basa — urang gadang di Bagdad wazit mantari mangkubumi — sagalo imam dangan khatib — suluah bendang dalam nagari — sarato dubalang pagawai — kapalo parang kota Bagdad —cukuik jo upeh polisi — parik paga dalam nupari. Batitah rajo maso itu — pado hari sahari iko — anak bujang jadi rajo — turuik parentah inyo — patuah taat parentahnyo — tidak buliah di sanggah — alah sudah rajo bakato dijaputk Abu Hasan — kan iyo Abu Hasan — ragu inyo maso itu — antah bamimpi barasian — antah iyo bana — bakato Abu Hasan — disuruah cubiak pahonyo — cacak kareh kareh disuruah Puti Zaitun — kasayangan bini rajo — dalam sabanyak tw gadih parawan - Puti Zaitun paliang rancak — kan iyo Puti Zaitun — malu mancubiak anak bujang — karano parentah rajo dituruik kato Abu Hasan — dicacak paho kaduonyo — taraso sakik di Hasan sabananyo indak bamimpi iyo bana tajadi — kan iyo Puti Zaitun — taraso lambuik paho bujang — lintuah pikiran Zaitun — takilik iman di dado — kan iyo samaso itu — samo barubsh paratian - bak nan gadih bak nan bujang — samo di inabuak paratian — nan labiah bana Abu Hasan — kanai geleang suduik mato — lintuah raso rangkai hati —.
- Dari mano punai malayang
- dari banto turun ka padi
- dari mano kasih sayang
- dari mato sampai ka hati
- Api api tabang ka dusun
26
