rang lai namo hambo si Upiak Sauang — bakato galak sanyum — balubang pipi dibawo galak — bakato pulo Siti Marindu — suduik mato maracun hati — pangabisan gadih marewan — suaro manyaik jantuang manyabuik namo sorang sorang — sambia badendang tari salendang — gadih rancak sambilannyo — dalam baumua anam baleh — ibarat bungo sadang kambang. Ado sabanta antaronyo — turun Puti Zaitun bagai dewa dari kayangan — manyanyi sambil manari — mairiang suliang nafiri — raso kapatah pinggang nan rampiang — lamah layuak layuak pinggang tangan dikambang alang tabang — pantun dendang manyindia bujang — tadayo si Hasan mandangakan — tibo sumangaik mudo — tagak manari basamo samo suaro rancak pandai balagu — labiah sapandai Abdul Wahab — tapasona gadih nan banyak — mandanga suaro bujang si Hasan — suaro rancak bapitunang — marindu gadih nan banyak — banyanyi sambia manari — suaro nyanyi ganti baganti — asik birahi Puti Zaitun — bapantun sambia badendang —
- Kayu aro gadang buahnyo
- jatuah ka bawah tabulintang
- daulat rajo gadang tuahnyo
- bagai bulan di paga bintang
- Ka pulau samo ka pulau
- ka pulau manjaring udang
- bagurau samo bagurau
- manari gadih jo bujang
- Naiak bendi ka Sungaitanang
- singgah mamatiak bungo kinari
- hati siapo indak sanang
- gadih jo bujang samo manari
- Gelang gelang sipatu gelang
- tinggi bukik siramo-ramo
- mari badendang tart salendang
29
