kato pantun Puti Zaitun — diiringi tari lambai malambai — bamain jaliek suduik mato — raso mangguntiang rangkai hati — sarato galak pipi balubang — lintuah hati bujang si Hasan — dibaleh pantun jo hati rindu musik babunyi gama suaro — tadayo anak gadih gadih — pantun marayu Puti Zaitun
- Ayam kuriak rambauan taduang
- ikua bajelo ka padi
- ambiak tampuruang bari makan
- dalam daerah tajuah kampuang
- adiak saorang tampek hati
- nan lain hambo haramkan
kato pantun si Abu Hasan — tagalak suko Puti Zaitun — dibaleh pantun Sabuah sorang —
- Aua ditanam batuang tumbuh
- tantang bukik kayu jati
- asa hati samo sungguah
- kariang lautan kito nanti
kato pantun Puti Zaitun — mambaleh pantun Abu Hasan — samo matamuak dalam hati — Sudah pueh bapantun pantun — bajalan ka dalam ustano diiriang gadih rancak rancak — sapuluah urang gadih parawan — sagalo bangso ado di sinan — Arab ado Bulando ado — nona Cino jo nona Japang sarato gadih nona Paris — bangso Jerman jo Itali — cukuik sagalo sapuluah bangso — tidak ka mano dipiliah di siko rancak di stnan elok — ragu urang mamandangi — dalam harem Sultan Harun Alrasyid — rajo gadang kayo rayo — kan iyo Abu Hasan makan inyo di ruang tangah — di ateh di pan kasua ampuak — bakuliliang gadih gadih — kipeh basabuang suok kida — bakato Abu Hasan — manokau upiak Puti Zaitun — ka mari duduak sadaun makan — indak elok manyisiah — nyisiah — baitu juo gadih nan banyak — samo makan basamo samo — hari barembang patang — patang baja —
31
