— jkolah rajo dipertuan — pasak kungkuang Bagdad — payuang panji nagari Arab — tidak ado nan lain — Tuanku seorang rajo kami — mandanga kalo damikian — susah hati Abu Hasan — bajalan adiak dari siko — usah mambuek gilo pulo — hambo indak jadi rajo — hambo rakyat urang banyak — urang hino indak babangso — cubo pikia di tuan-tuan duo kali taniayo — tidak tatahan kanai rotan —-mano kalian gadih gadih — ka mari duduak dakek-dakek ~ bakarumun gadih nan banyak — sagalo macam bangso gadih — anak Arab Itali Mesir sarato Japang jo India — cukuik Sunda Malayu Jawa — mamakai pakaian baju mandi — manyasak tubuah Abu Hasan — taraso angek tubuah gadih — mabuak kapayang Abu Hasan — bakato Abu Hasan lai kaJian pacayo bahaso hambo Abu Hasan — manjawab gadih nan banyak samo sarangkek mangatokan — tuan bukan Abu Hasan - daulat tuanku rajo kami — bakato Abu Hasan — hambo kini barasian — lai kalian picayo bahaso hambo barasian — bamimpi disihia urang — katonyo Abu Hasan -Manjawab gadih nan banyak — sarantak ayun suaro — mangatokan indak bamimpi — kalau baitu kato kalian — cubo cubi badan hambo — supayo tasintak jago tidua — kan samaso itu datang Gadih Mandayo Rindu — dicubiak paho lambek lambek — tibo pulo Indah Juwita — dicubiak talingo lambek lambek — Sayang Sudah mancubiak pipi — mancubiak gadih nan banyak — Puti Zaitun manyudahi — tibo tangan Puti Zaitun lintuah hati Abu Hasan — tangan tibo mato manggeleang — kampih paruik anak bujang — hilang sumangek manahan hati — musik babunyi nyanyi basamo — samo sarantak alun suaro — kaki manari ganto babunyi — tari salendang badendang sayang — tangan takambang pinggua digoyang — asyik maksuk anak bujang — diayun dibuai anak parawan — Abu Hasan bahati rawan nyanyi tari kawan bakawan — raso dilangik duduak di awan dabua musik sarunai napiri — rajo maliek di baliak tabia — baitu juo Puti Zubaidah — tagalak rajo Jaki bini — suko hati mamandangi — Abu Hasan tegak manyany? — gadih banyak mangali lingi suaro rancak bapitunang — malintuah hati urang mandanga. Lorong kapado Abu Hasan — sadang manyanyi
