lah tuan Kadi — nikahkan rang mudo baduo — si upiak Puti Zaitun — nikah kawin jo Abu Hasan — salasai nikah kaduonyo — babunyi sarunai jo napiri — sarato nyanyi gadih gadih — kan iyo anak daro — duduak basandiang di kurisi mamakai pakaian ka amasan bagai bulan jo matohari — samo rancak kaduonjo — anak daro jo marapulai — duduak basandiang di kurisi — bunyi sarunai mariang hati ~ manuruik dendang layuak tari — basuko suko dalam ustano — bapuluah gadih parawan — imanari bariang hati. Ado sabanta antaronyo — tagak Puti Zaitun — diiringi Abu Hasan samo manari sapu tangan dangan tari dendang sayang — urang malick galak sanyum — samo pandai inyo manari — supasang bana langkah Jaki. Salasai paralatan di ustano — makan minum urang banyak sagalo basa-basa — urang bapangkek patuik patuik — cukuik panghulu dubalang mantari ~ makan minum di jamu rajo — sudah salasai minum makan — harifah laruik malam — pulang ka rumah masiang masiang usai alek pakawinan — langang ustano ruang tangah, Kan iyo Abu Hasan ~ dibimbiang bini ka biliak — masuak ka dalam kulambu sute -— kulambu rumin tujuah lampih — tidua bujang jo gadih
Ado sapakan sudah nikah — dibawo Puti ka rumah — karumah mande — kan iyo mande kanduang ‘sayang kapado minantunyo — hiduik basuko tiok hari —
- Salasiah batang sibusuak
- bao ka lubuak ka tapian
- kasiah sayang jolong basustiak
- samo maajuak paratian
- Dendang duo dendang tigo
- pacah pariuak parandangan
- bia makan bia tido
- asa duduak bapandangan
43
