- Tenggi bukik buliah didaki
- lurah dalam batalo talo
- urang ulik buliah dinanti
- urang anggan apo kadayo
Sudah dibaco isi surek darah di dado indak sanang — tabayang Tupe si Jamaran raso di rang ruang mato — kasigh tadurong Sajak dahulu — tagah malu mengatokan — sungguah baramutak dalam hati di muko indak mangasan —
- Lumih jalan kamaialak
- Basimpang jalan ka pulasan
- bakelok lalu Sungai buluah
- pandang api makan dadak
- di lua indak mangasan
- di dalam ancua luluah
- Pai baladang rang basanto
- ambiak daun jo bungonyo
- usah diadang main mato
- hati jantuang di mabuaknyo
Sudah dibaco berulang-ulang — indak pasai inyo mambaco sadang lalok dibaco juo — bakato-kato dalam hati — sajak mulo Klas satu — sampai kalua sekola — Jamaran sajo manalong pitih sapitih dipaduo — musuah inyo nan mamujuak takana aa dahulu — maso dibae jo batu — bangih berang ka mande tial — Sanang hati sajuak pikiran — dicubo baleh surek Janaran diambiak karateh buku disurek elok-elok indak tantu kadisurek — bapikia pikia duduak sorang — manyurck baulang ulang — sudah sabarih dikwyaki — sarik bana mangarang surek ditanangkan pikiran — disurek balambek lambek — tulisan rancak dicetak — sudah dibaco barulang ulang — mano nan salah sipeloki — dibungkuih diampolop dilatakkan dalam Puku jauah
77
