- Bukan den kanari saja
- kanari nak rang Padang
- bukan den ka mari sajo
- padang mukasuik dijalang.
Bakato mak Saripah — nak lakeh sajo patuturan — kito banindiang samo awak — singkok daun ambiak buah — kubak kulik tampak isi — mukasuik kami nak maminang — maminang si Rabiatun — anak Marah nan tuo untuak gumt Amzah — rang bujang alun babini — katonyo mak Saripah —mandanga kato damikian inyo tahu jo si Amzah — gum sekola H.I.S. anak ran-cak elok laku — tatapi sungguah damikian — hati dek dangki banei jajok ka Rabiatun — baitu juo si Marah — dangki pulo di dado bakato mande Nurani — lorong kapadosi Rabiatun— bukan inyo anak ambo — urang tidak ba ibu ba bapak — anak ya-tim piatu — mangapo itu maka piliah — elok anak ambo yang ba-namo si Nurani — mak kan tahu anak hambo pakaian batuka pagi patang — rambuik karitiang di kapalo — pandai mamakai mamatuik badan — patuik jadi bini guru —sasuai jo si Amzah.Lorong — kapado Rabiatun — padusi kumuah — babaju itu ka itu — indak ado batuka baju kumang tangan dalam — sarupo urang alah baranak — awak gadih pakaian gaek —~ tidak sajodo jo guru — antah kok jadi babunyo — katonyo si Upiak Pakan — manjawab pulo si Marah -- kalau sajodo jo si Amzah pandang anak pandang minantu - jo si Upiak Nurani — sakolah lai ting-gi anak manunisk zaman kini sasuai bana jo gunt -- kato bapak si Nurani — manjawab mak Saripah - lorong kapado ambo uleh kato ujuang lidah - jadi manti pamili guru - mampatamu-kan silaturrahim — bukan kandak ambo sorang — si Rabiatun nan dipinang -- kami tahu anak yatim - indak ado bamande bapak — anak rajin bakarajo — mamasak manggulat pandai pu-lo - gadih indak pajalan — bajalan bakutiko itu bana disuko-kan -ado tando bahaso padusi -
- Babelok jalan Mandiangin
- luruih jalan ka pasa Baso
82
