- elok urang kami tak ingin
- tadayo digadih elok basi
katonyo mak Saripah — mandanga kato damikian — berang hati mande Nurani — baitu juo Marah Jamin — takana salah badan anak di aja manjo manyasa bana kaduonyo — anak tidak baberangi — iyo juo kato urang sayang dikampuang ditinggakan — sayang dianak dilacuiki — bajak tasorong ka batu — indak dapek mailak lai — Bakato mak Saripah — manolah Marah je si Upiak — palakukan mintak kami — tubao juo Rabiatun -untuak kakawan guru — sudah sapakaik mande bapak — sarato guru Amzah — untuak maminang Rabiatun — mandanga kato damikian — bakato si Upiak Pakan — mande kanduang Nurani — kalau anak Rabiatun — balun ado bamukasuik — tidak balaki bak kini.
Mandanga jawab Upiak Pakan — sudah maklum dalam hati — bahaso si Upiak iri hati — kununlah si Nurani gadih gata pamatuik diri — antah tidak bagadih —sumbarang bujang mambao — kalau si Upiak Rabiatun — anak rancak — elok laku pandai mamasak manggulai — tahu manjahik manyulam elok nan mikin —dikasiahi — tapi sungguah baitu si Upiak busuak hati samo sapa-ham jo lakinyo — bajalan turun Mak Saripah—
Ado sapakan antaronyo tibo pulo si Jaka Tanjuang — duduak batigo dalam rumah — bakato si Jakak ka si Marah — ado saurang urang kayo — baumua labiah ampek puluah — kawan ambo maso di Medan — banamo Sutan Jamarin — biaso urang manyabuik — si Jama sajo di Medan — itu nan ringan lidah urang lorong kapado si Jama bana inyo agak tuo — sarupo baumua tigo puluh — baru pulang dari Medan — kini banyak bapitih — kanai hati ka Rabiatun — kalau dapek ka bininyo apo kandak dilakukan — namuah mambari pitih baribu — katonyo si Jaka — bakato si Marah Jamin — kalau iyo baitu — suruah inyo ka mari — imbau inyo kini juo — kami mananti di numah —kan
83
