iyo si Jaka — kato tidak bajawab — bajalan turun ka laman — balari lari anjiang — elok untuang maso itu — basarobok dijalan — bakato si Jaka capek capek — Mak Marah maimbau — inyo mananti kini juo — makan tangan awaang Jama — dapek basuntiang bungo kambang — katonyo kawan si Jama — manjawab si Jama — manumik tando alamiah lai kadapek Rabiatun — manjawab si Jaka — Insya Allah mungkin dapek asa saku indak bajahik — manjawek si Jama — pitih usah dirusuahkan taba pitih dibao — mari kito kian — bajalan inyo baduo — hati arok arok cameh — raso indak kadapek — arok raso kamandapek — kan iyo maso itu — tibo di rumah si Marah — duduak barampek — kan iyo katiko itu — tibo si Rabiatun — malatakkan cerek minum kopi sarato pisang gadang — malihek rancak Rabiatun — tadayo si Jama bakilik iman di dado — bakato mande si Nurani — Pai ka laman kau Upiak — kami barundiang barasio — indak elok didanga gadih — bakato ka Rabiatun — kan, iyo si Rabiatun — bajalan turun ka janjang — Bakato Marah Jamin — ,,Lorong kaandak Sutan — nak maminang si Rabiatun — tibo ditampeknyo — lai tapakai di adat tidak salah dalam syarak — tapi sungguah damikian — kami nangko urang miskin — sagalo tidak ditaruah — elok bakato taruih tarang — kuruih indak babaju — suka indak barameh — katonyo Marah Jamin — Untuak mangaruak pitih si Jama — manjawab si Jama — lorong kapado kato mamak — itu kato sabananyo — elok bakato taruih tarang — suko ambo mandangakan — barapo pitih tapakai — buliah ambo mambari — manjawab bini si Marah — maklum sutan tantang itu — sagalo tidak — bakasua kulambu indak ado — cipia cawan batambah pulo — kiro-kiro saratuih rupiah — mandanga kato si Upiak galak badarai si Jama — dika luakan pitih saribu — dilatakkan tangah mimah — saratuih kato kakak saribu ambo bari — bali apo nan kurang — lorong kapado baralek — usah bagadang bana — malu awak di urang ambo nangko urang tuo — mancaliak pitih taonggok — tabulalak mato siMarah — nan labiah bana si Upiak Pakan — salamo nyawa dikanduang badan — balun mandapek sabanyaktu — nak lakeh sajo parundiangan — diimbau si Rabiatun — ka rumah inyo maso
84
