TATANGKOK TANGAN
Lorong kapado Rabiatun mandanga inyo kabalaki — urang tuo lakinyo hancua hatinyo bagai kaco jatuah ka batu — ramuak tidak elok lai — badan tajua karang gaek - tidak siapo kamanolong — tatenggang dibadan sorang —
Rumah gadang sambilan ruang
salanjo kudo balari
alangkah sakik batenggang sorang
bagai maliek langik tenggi
hati tadorong ka Jamaran — kan iyo sahari itu dicari Jamaran kian kamari — hari sahari hari itu — indak basuo si Jamaran — antah kamano painyo — barisuak batamu — kan iyo si Jamaran — inyo tahu labiah dahulu — si Rabiatun kabalaki — balaki jo urang tuo — uban panuah di kapalo bakato si Rabiatun — bakato sadiang manangih — ayia mato badarai darai indak lalok talalokkan — nasi dimakan raso sakam ayia di minum raso duri — kaluah kasah manahan hati — manolah tuan Jamaran — malang bana di badan ambo — indak guno hiduik lai — pado mananggung parasaian — badan tajua karang tuo — bakato sadang manangih — ayia mato badarai darai bagai intan putuih pangarang — maliek rupo Rabiatun — manjawab si Jamaran — usah hati di parusuah cari aka nan elok — sarahkan untuang pada Allah — indak buliah putuih aso usah cameh bana — urang pancameh lakeh kanai — urang panggamang lakeh jatuah —
Orang malapeh layang layang
cabiak tantang bingkai
hiduik usah mangapalang
indak kayo barani pakai
kato si Jamaran — mandanga kato kawannyo — kalau baitu ka-
86
