to tuan — elok lari kito baduo — kama sajo kato tuan — namuah manuruik kama pai — tatungkuik samo makan tanah — tatilantang samo minum aia — usah tuan takuik ganta — putuih mufakat maso itu — diluluih cincin di jari cincin ameh permato intan — dibarikan ka Jamaran — jualah barangko untuak balanjo di jalan — diambiak cincin di Jamaran — tatapi sungguah damikian — usah adiak manangih nangih — tampakkan hati suko — mambuhua usah mambuku — mauleh usah mangasan — sudah barundiang kaduonyo bajalan si Jamaran — hati kusuik — pikiran susah — tidak tantu kadiawai —
- sapu tangan balipek ampek
- talatak dalam parahu
- luko tangan buliah diubek
- luko hati siapo nan tahu
- Sapu tangan panyapu tangan
- diambiak panyapu bungo
- malang tangan cilako tangan
- dalam tangan urang punyo
Pado maso katiko bajalan ka rumah gadai — diliek urang indak banyak diambiak cincin dilatakkan — cincin gadang parmato intan — kan iyo maso itu — ado polisi mato-mato — mamakai pakaian pareman — sarupo urang ka manggadai — dicaliak cincin talatak — badatak hati mato mato — mungkin barang cucian — diambiak cincin di polisi — bakato polisi mato-mato di mano dapek cincinko — iriangkan ambo kakantua polisi — pucek muko si Jamaran — disangko cincin bacilok — tibo di kantua polisi — bakato angku mantari — siapo punyo cincinko — manjawab si Jamaran — cincin dari si Jama — urang datang dari Medan — dibarikan untuak timbang tando — kan iyo si Jamaran — inyo tahu jo si Jama — rumahnyo bahampiran — dibawo si Jamaran ka biliak — dibuka album puterek — banyak puterek urang jahek — urang buruan polisi - dalam puterek sabanyak itu — tampak puterek si Jama — bagala si Jama palak — urang
87
