buruan dari Medan — marampok mambunuah urang — mambukak toko di Kasawan — toko urang Cino kini hutang kababaia — pado hari sahari itu — dikapuang rumah Marah Jamin — urang sadang baralek — baralek kawin si Rabiatun — panuah mah sampai ka halaman — laki-laki parampuan sadang duduak basuko suko ka rumah damang jo mantari — cukuik angku kapalo — baru tampak polisi datang — malompek si Jama ka jandela — tibo dilaman ditangkok urang — rumah sabalik dipolisi — indak dapek malarikan diri — mancik sikua panggado saratuih — manyarah juo si Jama Palak — diikek tangan dibalanggu — dibawo ka dalam tangsi — dipareso sagalo barang — dalam lamari si Upiak Pakan — tampak pitih dalam cambuang — pitih perak ringgik rupiah — sarato pitih uang karateh — dihetong ampek ratuih — sabanyak itu pitih si Marah — bakarajo di B.O.W. barapo bana gajinyo — tasimpan pitih sabanyaktu pitih jadi bukti — digaledah pulo rumah si Jama — dapek kaluang intan — cukuik barlian mutiara — barang rampasan polisi — kan iyo urang banyak — manciliak polisi jo damang — samo mangucap katakutan — labiah-labiah induak-induak. Elok — langkah si Rabiatun indak jadi nikah kawin — angku kadi alun tibo — kok jadi nikah Rabiatun — balaki buayo Medan — urang mahang dipalaki - pado hari sahari itu — dima-dima urang rami — dalam lapau di surau — indak nan lain kato urang — mampakecekkan si Rabiatun.
88
