- Didulang sadulang lai
- pandulang ameh balingka
- diniang saulang lai
- panjapuik kaba nan tingga
Ado sapakan duo pakan — sajak si Jama kanai tangkok hati si Marah indak sanang baitu juo biniyo — kok tidak Rabiatun malaporkan tidak sangsaro di badan — pitih di tangan disita urang — labiah pitih sambilan ratuih disita polisi — kok indak damikian tabuek rumah sabuah — katonyo dalam hati — nan berang
bana bini si Marah — anak dikieh dibandiang — dikatai tiok hari — salah saketek diberangi — apo nan dapek dirambahkan — tidak ado manaruah ibo — kan iyo si Rabiatun marasai badan kanai kato — kadang kadang sipak tarajang apo dapek ditokokkan — sadang manangih kanai berang — Jamaran sadang lalu — tadanga tangih Rabiatun — manangih kanai berang sarupo anak-anak — malihek parasaian Rabiatun — elok dibao lari — indak guno pikia panjang — katonyo si Jamaran — bulek pikiran damikian — pado hari barisuak — Rabiatun pai ka pasa — si Jamaran manantikan — tampak inyo dari jauah — dituruik diampiri — bakato bujang Jamaran — indak elok kito di siko — elok bajalan ka rantau urang — diadu untuang di sinan — asa sabuik kan tarapuang — asa batu nak tabanam — papadek hati kau Upiak - mandanga kato damikian — galak suko Rabiatun — dahulu alah den katokan kama tuan dituruikkan — bia ka dalam lauik lapeh kalo ado samo dimakan — tidak samo ditahan kareh hati si Rabiatun pado hari itu juo — lari inyo ka Payokumbuah — kureta api pukua salapan — waktu luhua baru tibo — diseo bendi ka Ayia Putih — ka rumah angku kadi patang hari ban tibo — ditanyokan angku kadi — di mano rumah angku kadi di siko — manjawab urang kampuang — inyo ado di su—
89
