rau — bajalan Jamaran jo Rabiatun — tibo di surau angku kadi — duduak batigo dalam surau — bakato si Jamaran mano Datuak Kadi — datang kami ka mari maminiak tolong pado Datuak — tolong karano Allah — kami mintak dinikahkan — mandanga kato Jamaran tamanuang kadi Ayia Putiah — bakato kapado nan baduo lai ado surek angku palo — kalau tak damikian — tak suko ambo manikahkan cari kadi nan lain — katonyo tuan kadi — manjawab si Jamaran — ruponyo angku kapalo ateh pado nabi kito — sah nikah saizinnyo — kalau tak ado sureknyo — bata nikah kami — liek dimano hadis nan bapakai — lai tasabuik dalam kuraan — atau buatan Datuak sandiri — katonyo si Jamaran — berang hatinyo anak bujang — manjawab angku kadi — kato rang mudo itu — itu iyo sabananyo — tidak basuo dalam hadis — indak ado di kuraan — tapi sungguahpun damikian — nagari kito baparentah — parentah dari tuanku Damang . Manjawab si Jamaran — kito mangecek batigo — barampek jo malaikat — balimo jo Tuhan kito — malaikat jadi saksi — kalau tidak Datuak nikahkan tapaso. kami bazina — sabana indak nikah — doso tangguang di Datuak — katonyo Jamaran sirah muko kabangihan — mandanga kato damikian — tamanuang angku kadi — sabana cadiak anak iko — tidak sumbarang urang — lai barisi bailmu — takuik tuan kadi takuik badoso pado Allah — bakato angku kadi mano kau Upiak — den batanyo siapo jadi walikau — Manjawab si Rabiatun wali tasarah di Datuak — Datuak sebagai hakim — karano ambo anak yatim tidak ado babapak jo mande - yatim piatu — pinang sabatang — tidak ado karib bait - katonyo Rabiatun ~ manyalo pulo Jamaran — itu kato sabananyo — tidak kami baduto — namuah basumpah dami Allah — manjawab angku — suko ambo manikahkan — asa kalian tidak baduto
Bakato angku kadi mano kalian san dilua — masuaklah ka dalam surau — jadi saksi manikahkan — tibo rang mudo baduo — duduak baselo di dindiang.
Dibaco kadi kutbah nikah sudah dibaco ditobatkan — Bakato kadi katiko itu — mano kalian baduo — katian ketek pangkek cucu - patuik manunjuak mahajari — limbago kito urang Is-
90
