KÅBAR
SI OEMBOET MOEDÅ.
Bakatå amai Si Oemboet : „O boejoeng Si Oemboet Moedå , djadi a tå ang handa njå ; djadi pangoeloe ang lai nămoeh ? "
Mandjawab Si Oemboet Moedå: „Boekan moerah rang pangoeloe : oerang pangoeloe oerang tjărdi , tahoe di adat djå poesakå; tahoe di hereng dăngan gendeng , tahoe maäga maägihkan ; katånjå katå balipe ; nan alah dimănangkannjå , nan mănang dialahkannjå."
Batanjå poelå amainjå: „ Djadi a tå ang handa njå ; djadi doebalang ang lai nămoeh ? "
Mandjawab Si Oemboet Moedå : „ O mandai , djå den di mandai : boekan moerah rang doebalang , rang doebalang koeat kăbal , tăganjå di pintoe mati ; nan kăreh ka ditakinjå , nan loena ka disoedoenjå , nan djaoeh ka didjăpoetnjå , nan tinggi ka didjoeloenjå , nan boengkoe dipaloeroesnjå. "
„Djadi a tå ang handanjå ; djadi pagawai lah ko tida ? " katånjå amai Si Oemboet.
Mandjawab Si Oemboet Moedå : „Boekan moerah djadi pagawai ; tjăpe kaki , ringan tangan; lăbihkan djagå padå lǎlo ; malam basalimoet ǎmboen ; ko siang bapajoeng awan ; badjalan ta bakaki păne , ko kălam hari basoeloeh , ko hoedjan hari batoedoeng ; tabalir sampaikan djoeå ; ko tida tinggal di awa . ”
