8
„Djadi a tå ang handanjå ; djadi djoearå lah ko' tida , tăga dilingkoeng oerang banja ?" katånjå amai Si Oemboet.
Mandjawab Si Oemboet Moedå : „O mandai , djå den di mandai : boekan moerah djadi djoearå , oerang tahoe di toeah ajam , tahoe mamboelang djå mangatja' . "
„Păï mangadji ang lai nămoeh ; djadi rang sia lah ko ' tida ? " katånjå amai Si Oemboet.
Mandjawab Si Oemboet Moedå : Itoe lah nan di hati den ; poetjoe ditjintå , oelam tibå ;
Amai pabăreh-băreh ,
Talăta dalam balangå.
Amai pabăreh- băreh ,
Djan dinanti lamå-lamå.
Amai isikan lah bakal ; hambå ka păï mangadji , hambå ka păï badagang , kini djoeå hambå badjalan." Djadi bakămeh lah amainjå , diisikan båreh di boentil , dibări ameh satahil , ka bakal Si Oemboet badjalan . Manjămbah Si Oemboet Moedå , maminta ampoen ka amainjå , laloe badjalan hanjå lăï. Ka má lah injå badjalan , iå ka Taeh Soemoelanggang , sampai ka rănah Kampoeng Aoer; mangadji injå di sinan , di soerau toeankoe Pandjang Djanggoet.
Lah sataboen injå mangadji , lah doeå tahoen injå di sinan , takănal di njå na' badjalan , takirå di njå na' barasa , păï mangadji ka nan laïn. Minta idjin njå ka goeroenjå. Bakatå Si Oemboet Moedå : „ O goeroe, djå den di goeroe , bări maäf hambå di goeroe , bări ampoen banja - banja ; lăpeh lah hambå dahoeloe, hambå na badjalan djaoeh !"
Mandjawab goeroe Si Oemboet : „Ko itoe nan ang katåkan , lab hibå bånar hati den , lah roesoeh kirå-kirå den ; săbab karănå awa ang , inda den sangkå moerid
