9
lăï , inda diaså ana sasian ; lah den aså kamanakan ,
lah den sangkå ana kandoeng. Mangapå boejoeng ka
badjalan ; mangapå wa ang ka badagang ?”
Mandjawab Si Oemboet Moedå : „Ko itoe nan goeroe katåkan , iå bånar nan di goeroe ; măngkå hambå na badjalan , măngkå hambå na badagang , ta' soeni hati di sikå , inda soeni kira-kirå , de mangadji di hamping kampoeng , de' badagang dake nagări."
Bakatå goeroe Si Oemboet :
Den patah inda tapatah ,
Den tăteh djoeå nan djadi.
Den tăgah inda' tatăgah ,
Den lăpeh djoeå nan djadi.
Den lăpeh djå hati soetji , den lăpeh djå moekå nan djărnih ; kå måh ameh satahil ka baka wa ang badjalan."
Ka ba'a poelå lai lăï , djawe sălam Si Oemboet Moedå ; dioendjamkan loetoet nan doeå , ditakoerkan kapalå satoe , minta maäf njå ka goeroenjå , laloe badjalan hanjå lăï. Lah sarăntang doeå răntang , tjoekoep tigå răntang pandjang , dako basarangkan hamping , hamping lah dăko ka tibå , tibå di soerau toeankoe imam , bagălar toeankoe Imam Moedå ; maälim nan ta maälim ame , ba itoe lah hanjå maälimnjå : kở njå tafsir djå fakihi , iå lah manti djå maäni , gănti saädat poelang mandi ; koeraän nan tigå poeloeh , dape manjima -njimakan sadjå. Lah mangadji Si Oemboet sinan ; banja lah kitab nan takadji , banja lah soere nan tabatjå , banja lah lagoe nan lah dape ; hatinjå tărang ba soeloeh , kadjinjå ba tjandå aïr. Kở den lorong soearånjå , njaring lăï , garoe lăï : garoenjå garoe -garoe manis. Namoen balăgoe Si Oemboet Moedå, oerang badjalan djadi barănti , boeroeng tarbang djadi
