12
palangai maså dahoeloe; babadjoe biloedoe gandoen ,
boekan biloedoe naï kini , biloedoe maså njo hari ;
inda njå dape di paneh , inda njå loeroeh disăsah ,
inda njå loesoeh dipakai ; bakaïn Palembang-Atjeh ,
boekan Palembang naï kini , Palembang nini moejangnjå , lah lamå toeroen-tamoeroen , pantangnjå tjabi .
dipakai , sampai ka pătjå elo djoeå , nan ditǎnoen oerang
baparoeh , nan diragi oerang baïsang , maoeleh ka lidah
aïr , mamoetoes ka lidah api. Lah takana sagalå sahălai , ălah badetar bălah katjang , sisamping oepih
ka lareh , soedoetnjå manikam ampoe kaki. Bakatå
Si Oemboet Moedå : „ O amai ! djå den di amai , pandangi bănar lah di amai , tămpan bănar djå di mandai ;
lăï baa den mamakai ?" Mandjawab amai Si Oemboet :
„Ko itoe nan ang tanjåkan , ta ka gawal dåh toe lăï ,
ta' ka' batjătje dåh rasånjå ; boejoeng , badjalan lah ang
dăreh , rătja lah koedå nan bălang , kănakan alat palanånjå !"
Koenoen lah koedå nan bălang , boeloe maïreh indå. banat , sisondo' awan tagantoeng , ikoer sarasahan tärdjoen , kaki radjah kaämpenjå ; palanå ameh balandjar , kăkangnjå pera bahelå , indjah-indjahnjå asoeaså. Lah badjalan Si Oemboet Moedå , dirătja koedå nan bălang , badjalan mandontjang-dontjang laboeh , alah ditjäntjang goeratihkan , lah mandoeå-doeå loena ; găntå gådang himbau-mahimbau , găntå kete panggil-mamanggil , padå laloe soeroet nan läbih, taïndja sămoet inda mati, batang talendå baboedjoeran , aloe tataroeng patah tigå. Dăke basarangkan hamping , hamping basarangkan dăke , dăke lah hamping ka tibå, tibå injå tăngah halaman ; marǎnta koedå Si Oemboet , maranta maharengeh pandjang. Takădjoet goeroe Si Oemboet, tatjăngang oerang nan banja , tăga badiri samoeånjå , manindjau ka pintoe gådang; lah nampa Si Oemboet tibå.
