15
na" kami dăngarkan bănar , na kami simakan soenggoeh-soenggoeh ! "
Mandjawab Si Oemboet Moedå :
„Mălah diboeloehkan djoeå ,
Tjapå di pamatang tăbe .
Mălah disoeroehkan djoeå ,
Disăboet malah nan dape' .
Antah sape antah banilå ,
Ramå - ramå dalam kamboet.
Antah dape antah tidå ,
Lah lamå kadji ta' basăboet !"
Lah mangadji Si Oemboet Moedå , dioelang saoelang lăï , dikaåkan lagoe nan tadi. Djankan lagoe nan ka dape" , djankan kadji nan ka tabatja ; matå soere lai ta nampa' .
Kalit-kalit di Malakå ,
Hinggo' di pasar Pajåkoemboeh.
Takilit iman nan tjilakå ,
Băkeh Si poeti nan batoedjoeh .
Lah găla poeti nan batoedjoeh , lah rintang garismanggaris , lah asiq bisi babisi , katjimoes barapi-api , găla' lah badărai-dărai. Bakatå Poeti Gălang Banja' :
„ Lah tabali tapi kaïn ,
Lah hilang pangiliannjå.
Lah takilit hati malim ,
Lah hilang pangadjiannjå.
Gilå sipasin gilå ,
Digilå sitawang-tawang.
Gilå simalim gilå ,
Digilå lapi' sambajang.
