19
di djari , tagerai ramboet nan pandjang , badjelå-djelå di lapi' , bapaloen-paloen di pinggang , bakabe -kabe di toemit. Goemelang panau di dadå , panau nan ampe badansana , banamå balakå kaämpenjå : dipoenggoeng si pikau tărbang , di dadå si poejoeh lagå , di kăning panau manindjau , di lăngan panau oesali. Kăningnjå kiliran tadji , hidoengnjå pantjoeng taloetoe' , talingå djăre tatahan , bibirnjå limau saoeleh , kare koekoe boelan kahabis , karatan bintang tataboer ; kăta lihirnjå nan ampe , sakăta disaho badjoe , sakata dihimpit aboe , sakata aloeran păloeh , sakăta aloeran mani . „O amai toean Oemboet Moedå! " katånjå Si Gălang Banja' :
„Tjoebăda tăngah halaman ,
Didjoeloe djå ampoe kaki.
Djan lamå tăga di halaman ,
Toe tjiboe , basoeh lah kaki ;
amai naï lah dahoeloe."
Lah nar amai Si Oemboet ; lah sabăntar tăngah roemah , lah doeå bäntar tăngah roemah , doedoe basirih-sirihan , makan sirih sakapoer saoerang ; habis manis săpah taboeang , kale' tinggal di rakoengan , pareså habis taloeloer , sări lah ka boeboen- boeboen; sădang elo patoetoeran , sădang loenggar pakabaran , sădang tarbit kira-kirå , sådang dape' aga' -aga' ; diangsoer sakali roendingan , dibindje malah patoetoeran. Bakatå amai Si Oemboet : „ O kaka amai Si Gălang !
Boekan den kinari sadjå ,
Kinari ana rang Talang.
Boekan den kamari sadjå,
Gădang makasoed nan den djalang.
