20
Ikan takile', djalå tibå,
Djalå' tarǎndam masoe' loeboe',
Pajah de bagandang sadjå.
Niat gădang takatåkan tidå',
Ba' boeah tangisan bǎroe';
Pajah de' mamandang sadjå.
Bakata amai Si Gălang:
„Lǎi måh ikan takile',
Ba'a tå tida' didjalåkan.
Lai måh kaka' nan banië',
Ba'a tå tida' dikatakan?"
Mandjawab amai Si Oemboet:
„Măngkå inda' tadjalåkan,
Tindih-batindih kaki doelang.
Mǎngkå inda' takatåkan,
Kaka' pamilih djǎrnjå oerang!"
Bakata amai Si Oemboet:
„Alalang di Kota Pandjang,
Dipoental dikǎbe ǎmpe'.
Dirǎntang roending ka pandjang;
Elo' dikoempal na' njå singke'.
Iå di sikå soere' nahoe,
Kalam tasisit ateh kasau.
Iå di sikå boeroeng maoe,
Hati birahi na' mantjakau."
Bakatå amai Si Gălang:
Baringin di ateh goenoeng,
Oere'njå bakelo'-kelo'.
Ko' ingin kaka' di boeroeng,
Tjari lah gǎtah nan elo'.
