23
Oekan den kamari sadjå:
Kamari mambaå păsan,
Iå lah păsan Si Oemboet Moedå.
Dăngarkan saboeah lăï :
Baboeni bădil di Djapoen ,
'Rang părang ka Limå Kotå.
Katå tida' ka dioemoen,
Si Oemboet datang samandå,
băkeh Si Poeti Galang Banja'."
Bakatå amai Si Gălang: „Tahado' kapadå roendingan toe, dăngarkan bănar lah di kaka':
Di rimbå tida batjapå',
Toemboeh di loerah oela' pantai.
Di kitå tida' ka mangapå;
Tinggal di oerang nan ka mamakai.
Kaka' baroending lah djå Si Gălang, kaka' baretong lah djå awa'njå.
Tăloe' baï', koealå tănang;
Djoeragan masoe' moearånjå.
Boeroe' baï' djărnjå Si Gălang ;
Inda' hamba doeå bitjarå!"
Lah dipaling djadi roendingan, diasa' bakeh Si Gălang. Bakatå amai Si Oemboet: „O oepi' Poeti Gălang Banja', dăngarkan bănar lah di kau;
Aså doeå tali pidjakan,
Djalå poetoes baå barănang,
Djalå ana' 'rang Dangoeng-Dangoeng.
Aså lăï , doeå tida'kan;
Katå poetoes badan na' sănang;
Djan lamå kami digantoeng."
