25
Tăro' di baroeh manganti ,
Dikaboeng-kaboeng patigå.
Haro' ba raså ka lăï ,
Tjameh ba raså ka tidå'. "
Mandjawab amai Si Oemboet : „O boejoeng , djå den di ang ai ,
Bingkoedoe di Dangoeng-Dangoeng ;
Djatoeh sadahan salarånjå.
Aloem diandjoer lah tataroeng ,
Alamat badan ka binaså ."
Bakatå Si Oemboet Moedå : „O amai , djå den di amai, katåkan bănar djå di amai , kabarkan bănar samoeånjå , apå-apå kåh katånjå , katå Si Poeti Gălang Banja , na njå sănang toe hati den. Apå bănar diănggankannja, apå bănar ditanggoehkannjå, măngkå lah baitoe bănar ?"
„O boejoeng , djå den di boejoeng ! " katånjå amai Si Oemboet , „ nan satahoen doeå ikå , ǎloem injå ka badjoendjoeng , ăloem injå ka basoeami , aloem taniat na' balaki ; injå ka marandå sadjå. Ba itoe bănar katånjå , katå Si Poeti Galang Banja . O boejoeng Si Oemboet Moedå , soenggoeh poen baitoe bănar , dăngarkan poelå lah di ang ,
Ana' boeajå goeloeng tănoen ,
Masoe koealå Indåpoerå.
Apåkan dajå oentoeng băloem ,
Nantikan sadjå koetikånjå ;
Kotå Saba mahado Tikoe ,
Tikoe mahado Kotå Tăngah .
Sădang tida sabar dahoeloe ,
Nantikan sadjå găra' Allah ;
