26
Ta' djira' bingkoedoe lăï ,
Aloem pandan ka bagagang.
Ta' nia' itoe lăï ,
Aloem lah badan ka tagamang ;
nambe' hati diparoesoeh , nantji hati diparisau , oesah boejoeng tjămẹh lăï.”
Mandjawab Si Oemboet Moedå : „Iå poelå nan di amai , bănar poelå itoe måh ; tatapi sakete nan maraså ,nan maraså di hati den , pitoea djoeå di amai : malangkah ta sădang salangkah , bakatå ta sădang sapatah , nan sakali didoeåkan ; doeå ditjoekoepkan tigå ; tjoekoep tigå katå poetoes. Ba itoe djoeå nan biaså , ba itoe djoeå nan bapakai : Păï lah amai sakali lăï , minta bănar katå poetoes , djan taraså-raså djoeå !
" Mandăngar katå nan ba kian , hilang akal amai Si Oemboet ; lah sasa kira-kirå njå ;
Taketa taketoen-ketoen ,
Salimbadå dalam loebang.
Tatăga tatăgoen-tăgoen ,
Bitjarå di badan saoerang.
Roemah gadang sambilan roeang ,
Poeti doedoe' di soerambi.
Alang sakitnjå batenggang saoerang ,
Ba manantang langit tinggi ;
ka păï badan lah maloe; ta ka păï baa lah găran. De hibå hati di ana , badjalan djoeå nan djadi. Lah sarăntang padjalanan , lah doeå răntang padjalanan , tjoekoep tigå răntang pandjang , hamping lah dăko ka tibå, tibå injå di halaman, di halaman roemah Si Gălang. Bahimbau amai Si Oemboet : „O oepi Poeti Galang Banja' , lăï di roemah kau toe kini?" Manindjau Si
