Halaman:Kăbar si Oemboet Moedå.pdf/34

27

Gălang Banja'; lah nampa' amai Si Oemboet, bakatå Si Gălang Banja':

„Tjoebăda' tăngah halaman,
Didjoeloe' djå ampoe kati.
Djan lamå tăga' di halaman,
Toe tjiboe', basoeh lah kaki!"

Lah naï' amai Si Oemboet. Lah sabăntar tăngah roemah, lah doeå bäntar antarånjå, bapantoen Si Gălang Banja':

„Baboeah balimbing băsi,
Baboeah bapoeti' poelå.
Batoeah pintoe di tapi,
Lah păï babali' poelå."

Mandjawab amai Si Oemboet:

„Kaïn koeri, kaïn Djaå,
Didjahit băloem disăsah.
Măngkå den babali' poelå,
Roendingan băloem lăï soedah.

O kaka' amai Si Gălang, dăngarkan bănar lah di kaka':

Batanggå babali' poelå,
Badoelang bakalang hoeloe.
Măngkå den babali' poelå ,
Maoelang katå nan dahoeloe."

Bakatå amai Si Gălang:

„Sădja' samoelå den latåkan,

Tida' dilata' dalam padi,

Dilăta' djoeå di pamatang.

Sădja' samoelå den katåkan,

Tida dilata' dalam hati ,

Dilăta' djoeå di balakang;