29
sădang lah sakali ikå. Ko tagisih den ampăleh , kơ tatanggoe den kiraikan, ko tabaå den hantarkan, oesah dioelang-oelang djoa; maramang boeloe koedoe den!"
Koenoen lah amai Si Oemboet lah, ba' ajam kănai toekoel ; hati gatal matå digaoet , badjalan djå hati sebo, , badjalan djå hati roesoeh , badjalan tahantahănta , badjalan tatăgoen-tăgoen ,
Kapoendoeng koelitnjå manis ,
Poetjoe sibiå-biå tinggi.
Baoendoeng-oendoeng manangis ,
Apå kira-kirå kini.
Lah sampai sarăntang padjalanan , barănti amai Si Oemboet , doedoe bamănoeng tăngah djalan ; păloeh lah maäna soengai , mahilir ka toelang poenggoeng. Dipikir-pikir di hati , dipatoet- patoet djå akal , takirå poelå nan maroesoeh . Apå lah nan diroesoehkannjå ; apå lah nan dirisaukannjå ? „Ko toemboeh oesoel djå siase' , ko' datang tanjå djå soedi, di boejoeng Si Oemboet Moedå ; apå lah nan ka tenggang den ; apå lah nan ka katå den; apå lah nan ka djawab den ?" katånjå amai Si Oemboet ; „ko den katåkan samoeånjå , ko den baritåkan habis- habis bakeh boejoeng Si Oemboet Moedå ; ko băngis injå baïkå ; soeratan den ko lah nan malang , oentoeng den ko lah nan boeroe . Ikå lah basoeå ba pantoen oerang :
Bingkoedoe di Dangoeng-Dangoeng ,
Djatoeh djå dahan salarånjå.
Aloem diandjoer lah tataroeng ,
Alamat badan ka binaså .
Ja Allah , ja rasoeloe'llah ! baa lah oentoeng den ikå ? Satămpan ikå lah ana , sadjombang ikå lah roepånjå , rantja lăï patoet lăï; toemboeh tjatje' bahado'an, oerang
