31
habis-habis , na den katåkan katå bănar ; inda den lăbih , den koerangi. Ba' itoe djărnjå Si Gălang : „Ko njå toean Oemboet Moedå , siang ta mandjadi anganangan , malam ta mandjadi mimpi. Ko elo bănar toean Oemboet , lah tahoe den di elonjå : elo de kaïn basălang ; ko gădang toean Oemboet Moedå , lah tahoe den di gădangnjå : gădang de tăboe lingkaran ; ko kajå toean Oemboet Moedå , lah tahoe den di kajånjå : kajå de ameh pambaå , ameh pambaå di ajahnjå ; ka gălang kaki den ta ka sampai. Ko njå toean Oemboet Moedå , oesah disăboet doeå kali ; sădang lah sakali ikå ; ko tagisih den hampăleh , ko tatanggoe' den kiraikan , ko tabaå ka den hantarkan ; oesah dioelang-oelang djoeå , marămang boeloe koedoe den ! " Ba' itoe bănar nan katånjå , katå Si Poeti Gălang Banja'. ”
Sărtå mandăngar katå nantoen, lah băngis Si Oemboet Moedå , băngis nan oekan alang-alang , berang nan oekan oelah-oelah , mahampeh-hampehkan tangan , malătjoet- lătjoetkan badan , manoekoel-noekoelkan detar. Disabarkan inda tasabarkan, dipoedjoe inda tapoedjoe' ; lah hilang akal mandainjå. Bakatå amai Si Oemboet : „ Itoe djoeå nan disagankan, itoe djoeå nan dianggankan, ka mangatåkan samoeånjå , ka mangăbarkan bakeh ang ; lah badăta djoeå hati den , lah takănal djoeå di den , 1nan bahaså ka ba nangkå, nan bahaså ka ba tjandå ikå! "
Lah sabăntar injå manangis , lah sabäntar njå mamănoeng , na oerang Si Oemboet Moedå , takănal bănar nan djadi. Bakatå Si Oemboet Moeda: „ Amai, djå den di amai , ko lãi hibå amai di den , lăï sajang amai di badan den , păï lah amai den soeroeh , păï lah amai den sarajå. Ko lăï maloe ka tabangkit , ko lãi maloe ka tapoepoes ; tjarikan den karoepoe hanjoet , iå ka loeboe Matå Koetjing ; sati nan ta' sati ame' : dagang laloe imati tăga , boeroeng malinteh mati djatoeh ; djăr-
