32
nih nan ta djărnih ame : nampa si oedang balari ; dalam nan ta dalam ame : satoekal bănang baoesai ; di kapesong nan mangeong , di sirangka nan badangkang ; nan dipaloet nagå sati , nan dililit oelar biså , nan didjoedjoeng ikan gådang. Itoe karoepoe nan ka amai tjari , itoe karoepoe nan ka amai tarř . Ko ta dape karoepoe nantoen , amai ta kasih ka den lăï , amai ta sajang di badan den.
Apå goenånjå tjipoet lăï ,
Tjipoet lah barangkai-rangkai.
Apå goenånjå hidoep lăï ,
Hidoep ka batjarmin bangkai ;
na den amoe lah badan den, na njå sănang hati mandai."
Mandăngar katå nan ba kian , lah roesoeh amai Si Oemboet , lah săsa kira-kirånjå , ba makan boeah simoelåkamå ; ka păï badan ko mati , ta păï ana mangamoe' ; itoe lah saritujå nan ka ditjari , itoe roepå kahanda ana . Dipatoet-patoet djå akal , dipikir-pikiri bănar , de amai Si Oemboet Moedå : „Padå ana denai mati , elo lah den mati djoeå." De hibå hati di ana , inda ragå dihăngoʻkannjå, inda ragå dimănoengkannjå. Badjalan injå sakali ; dibaå koemăjan poetih ; manangih baoendoeng-oendoeng; kode lah gendjong gerongan, hăngo lah gădang kete an. Bapantoen amai Si Oemboet :
„Ka păkan nan sakali nangkå ,
Tamoengkin mambăli lăï.
Badjalan nan sakali nangkå ,
Ta' moengkin koembali lăï.
Tinggi malandjoet lah kau bătoeng ,
Ta ka den doelang-doelang lăï .
Tinggal mantjangoet lah kau kampoeng ,
Ta' ka den oelang-oelang lăï ! ”
