33
Lah soedah injå manangis, badjalan amai Si Oemboet, badjalan tatăgoen-tăgoen , badjalan tahanta -hănta ; boemi dipidja raså gămpoer, langit dipandang raså tărban . Lah sarăntang injå badjalan , lah doeå răntang injå badjalan , dăko basarangkan hamping, hamping lah dăko ka tibå ; lah tibå injå di sanan , iå di loeboe Matå
Koetjing. Sărtå sampai injå ka sanan, mandăba hoedjan nan labe , badantoeng boenji pătoes toenggal , lah tibå sidola - dolai , goemambi tanah dipidjakan ; lah kalam tăntangan loeboe , kile lah barapi-api. Sinan manjaroe amai Si Oemboet ; dipanggang koemăjan poetih , aso mandoelang ka ateh langit , hăroem satahoen palaïran. Dibatjå amai Si Oemboet : „Ja Allah , ja rasoeloe 'llah , ja Toehankoe djoendjoengan den ! palakoekan ba'a kahanda den , bări lah baa pinta den: hanjoet lah baa karoepoe ! " De pintanjå lai ka balakoe , de Allah lăï ka manolong, sărtå soedah koemăjan tapanggang, tădoeh sakali hoedjan lăbe , barhanti kile djå pătoes , lah ăno angin nan dăreh , lah tarang tantangan loeboe . Lah nampa karoepoe hanjoet , sădang didjoedjoeng ikan gădang, sădang dipaloet nagå sati, sădang dililit-lilit oelar, sădang dirătja kalå biså; lah dipesong-pesong aïr , lah dilamoen-lamoen omba ; djaoeh nan ta djaoeh ame ; dipandang sajoep-sajoep sampai , ko dikaït inda ka dape' , ko' didjambå kalampauan ; adang-adang njå manăpi , adang-adang njå ka tangah ; ba ka hamping injå djaoeh , baroe ka djaoeh injå hamping ; alah hilang- hilang timboel, alah nampa -nampa apoeng.
Koenoen lah amai Si Oemboet , malië nan sadå itoe , mamandang karoepoe nantoen , hatinjå kămbangkămbang koetjoet , hati lah haro -haro tjămeh ; haro babaoer djå takoet , tjămeh ba raså ta ka dape' , takoet badan ko ka mati. Dipaboelenjå pikiran, dibaga kannjå hatinjå , dipitjingkannjå matånjå , dihamboerinjå loeboe'
