34
nantoen , dilompeʻinjå sakali , ditjaboerinjå nan djadi. Lah dipesongnjå di aïr , dihǎmpehkannjå di omba , dilatjoetkanujå di aïr ; baoendjoen-oendjoen djå kalå , barăgang-răgang djå ikan , bahelå-helå djå nagå. Lah gănti hampeh-mahampehkan , lah ganti lătjoet-malătjoetkan ; lah pajah baoendjoen-oendjoen , lah păsai baëndjå-endjå , lah lamå barăgang-răgang , dape' di njå karoepoe saroeëh , di amai Si Oemboet Moedå. Sărtå dape karoepoe nantoen, kaloear njå dari dalam loeboe , balari sakali poelang; lah balari-lari andjing , lah mandontjang-dontjang kete , lah mahamboer-hamboer kian ; lah hilang maloe djå sopan , de sangat hange hatinjå. Soekå nan oekan alang-alang , riang nan oekan oelah- oelah ; badjoe lah batorai-torai , kode lah basempangsempang , ăboe' lah bagăbang-gabang. Sadå oerang nan mantjăli , sadå oerang nan malië , gădang kete toeå moedå , habis tatjangang samoeånjå , habis găla -găla balaků, mantjăli amai Si Oemboet , malië lakoe parangainjå. Banja lah oerang nan manjapå, banja lah oerang nan batanjå , satoe tida diatjoehkannjå , satoe tida diapikannjå ; antah lai tingaran antah tida . Awanjå balari djoeå , karoepoe' didjoedjoengnjå djoeå. Lah sabăntar njå badjalan , lah doeå bäntar njå balari , tibå injå tăngah halaman , laloe naï injå sakali.
Batanjå Si Oemboet Moedå : „ O amai , djå den di amai , lăï dape nan den katåkan ; lăï boelih nan amai tjari ?
Tăro di baroeh manganti ,
Dikoedoeng-koedoeng patigå.
Haro ba raså ka lăï ,
Tjameh ba raså ka tidå."
Mandjawab amai Si Oemboet ; hăngoʻnjå sajoep-sajoep sampai , bakatå tagănte -gănte de sangat pajah balari.
